Naat Ki Mahfil Koni

جھوم کر نعت سنائیں گے چلے جائیں گے اذن سرکار کا پائیں گے چلے جائیں گے وہ بلائیں گے مدینے میں تو پھر قسمت پر ہم بھی پھولے نہ سمائیں گے چلے جائیں گے شکر اللہ تعالیٰ کا ادا کرتے ہو شرم سے سر کو جھکائیں گے چلے جائیں گے ہم کہاں اور کہاں رحمت عالم کی عطا اشک آنکھوں سے بہائیں گے چلے جائیں گے دید کرنے شہ کونین کی ہم مرقد میں خوف ہرگز نہیں کھائیں گے چلے جائیں گے باب جنت پہ اگر روکے گا رضوان اسے نام آقا کا بتائیں گے چلے جائیں گے غم دنیا کا ذرا سا بھی نہ غم کر شارق زیست میں آتے ہیں آئیں گے چلے جائیں گے _________________________ سید شارق خالدی شاہ جہاں پوری

نعت رسول مقبول صلی اللہ علیہ وسلم __________________________ صدق دل سے شہِ کونین کی مدحت کرنا یعنی ہے خالقِ اکبر کی عبادت کرنا اپنے گھر والوں سے تم کرنا محبت لیکن سب سے بڑھ کر مرے آقا سے محبت کرنا مومنوں کا ہے وطیرہ یہی مرتے دم تک سرورِ دیں کی ادا شوق سے سنت کرنا ایک مدت سے مرا دل بھی بضد ہے اس پر جانِ جاناں کے ہے روضے کی زیارت کرنا ہو مبارک تجھے دیوانئہ محبوب خدا قبر میں مصحفِ رخ کی وہ زیارت کرنا میں ہوں محتاجِ کرم شاہِ مدینہ کب سے میری جانب بھی ذرا چشمِ عنایت کرنا واسطہ فاطمہ زہرا کے ہے لعلوں کا تمہیں دور سرکار ہر اک سر سے مصیبت کرنا آپ سے عرض ہے شارق کی شفیعِ محشر مجھ سے عاصی کی بھی محشر میں شفاعت کرنا __________________________ سید شارق خالدی شاہ جہاں پوری *9450684815*